Elxan Hüseynli

Həyat yolu

Qarabağı azadlığa qovuşduran müqəddəs şəhidlik məqamına yüksələn neçə-neçə cəsur, mərd qəhrəmanlar oldu.
Bu qəhrəmanlardan biri də Azərbaycan Ordusunun əsgəri Hüseynli Elxan İsrayıl oğludur.

Azərbaycan Ordusunun əsgəri olan Elxan Hüseynli 2020-ci il sentyabrın 27-də Azərbaycan Silahlı Qüvvələri tərəfindən Ermənistan işğalı altında olan ərazilərin azad edilməsi və Azərbaycanın ərazi bütövlüyünün bərpa olunması üçün başladılan Vətən müharibəsində iştirak edib.
Cəbrayılın, Füzulinin, Xocavəndin azadlığı uğrunda gedən döyüşlərdə vuruşub, döyüş yoldaşları ilə birgə düşmənə sarsıdıcı zərbələr endirib.
Elxan Hüseynli 9 noyabr 2020-ci ildə döyüş tapşırığının yerinə yetirilməsi zamanı şəhid olub.
Vəzifə borcunu şərəflə yerinə yetirdiyi üçün Azərbaycan Prezidenti İlham Əliyevin sərəncamına əsasən Elxan Hüseynli ölümündən sonra "Vətən uğrunda" "Cəbarayılın azad olunmasına görə" və "Füzulinin azad olunmasına görə" medalları ilə təltif edilib ↗