Hilal İmanzadə

Həyat yolu

44 günlük Vətən Müharibəsində xüsusi qəhrəmanlıq göstərən hərbçilərimizdən biri də şəhid Hilal İmanzadədir.

Hilal İmanzadə 2013-2015-ci illərdə Azərbaycan Silahlı Qüvvələrinin Sərhəd Qoşunlarının "N" saylı hərbi hissəsində müddətli həqiqi hərbi xidmətdə olub.
2016-cı ildən isə Daxili Qoşunların müddətdən artıq həqiqi hərbi xidmət qulluqçusu olub.
Şəhidimiz həmçinin Türkiyədə snayper kursunda yüksək nəaliyət qazanıb.
İgidliyi ilə seçilən Hilal sentyabrın 27-dən İkinci Qarabağ müharibəsində döyüşlərə qoşulmuşdur.
Cəbhənin Füzuli istiqəmətindən döyüşlərə başlamışdır.
Onların qrupu ən önda gedənlərdən idi, Hilal isə snayper kimi üzərinə düşən işin öhdəsindən yüksək səviyyədə gəlirdi.
Füzuli və Cəbrayıl rayonunun bir neçə kəndinin işğaldan azad edilməsində iştirak etmişdir.
Hilal İmanzadə oktyabrın 1-də Füzuli döyüşləri zamanı şəhid olub.
Beyləqan rayonunda dəfn olunub.
Azərbaycanın ərazi bütövlüyünün təmin edilməsi uğrunda döyüş əməliyyatlarına qatıldığı və hərbi hissə qarşısında qoyulmuş tapşırıqların icrası zamanı vəzifə borcunu şərəflə yerinə yetirdiyi üçün Azərbaycan Prezidenti İlham Əliyevin müvafiq sərəncamlarına əsasən Hilal İmanzadə ölümündən sonra "Vətən uğrunda" və "Cəbrayılın azad olunmasına görə" medalı ilə təltif edilib ↗