Tacir Muradlı

Həyat yolu

Tacir Muradlı 2000-ci il sentyabrın 25-də Beyləqan rayonunun Yeni Mil qəsəbəsində anadan olub.
Yaxınları qeyd edir ki, məktəb vaxtlarında Tacir həmişə şən, zarafatcıl və yüksək əhval-ruhiyəli gənc olub.
Yeni Mil kənd tam orta məktəbində təhsilini başa vurduqdan sonra Tacir hərbçi kimi Vətənə xidmət etməyi seçib.
Azərbaycan Ordusunun əsgəri olan Tacir Muradlı 2020-ci il sentyabrın 27-də Azərbaycan Silahlı Qüvvələri tərəfindən Ermənistan işğalı altında olan ərazilərin azad edilməsi və Azərbaycanın ərazi bütövlüyünün bərpa olunması üçün başlanan Vətən müharibəsi zamanı Cəbrayılın, Füzulinin və Qubadlının azadlığı uğrunda gedən döyüşlərdə savaşıb.
O, həmdə 2-ci Ordu Korpusunun Komandir müavini Şükür Həmidovun şəxsi mühafizə heyətinin üzvü idi.
Orduda xüsusi rəşadəti və cəsurluğa ilə seçilən Tacir oktyabrın 22-də Qubadlı döyüşləri zamanı şəhid olub.
Azərbaycanın ərazi bütövlüyünün təmin edilməsi uğrunda döyüş əməliyyatlarına qatılan və hərbi hissə qarşısında qoyulmuş tapşırıqların icrası zamanı vəzifə borcunu şərəflə yerinə yetirdiyi üçün Tacir Muradlı ölümündən sonra "Vətən uğrunda", "Cəbrayılın azad olunmasına görə" və "Füzulinin azad olunmasına görə" medalı ilə təltif olunub ↗